WBA, WBC վարկածով միջին քաշային կարգի Աշխարհի չեմպիոն Անդրե Ուորդը (25-0-0) BoxingScene-ին տեղեկացրել է, որ ինքը ցանկանում է մենամարտել Միկկել Կասսլերի (44-2-0) հետ, որին 2009 թվականի նոյեմբերին արդեն հաղթել է.
«Ես ցանկանում եմ հենց հիմա մենամարտել Լուչիան Բուտի հետ և այդ հարցը կքննարկեմ թիմիս հետ: Այժմ պետք է հանգստանալ և սպասել իրադարձությունների զարգացմանը: Հաճույքով կմենամարտեի նաև Կասսլերի հետ և նորից կհաղթեի նրան, քանի որ նա հայտարարել է, որ իմ հաղթանակն անարդարացի էր»:
Հիշեցնենք, որ Ուորդ – Կասսլեր մենամարտը, որը տեղի էր ունեցել 2009 թվականի նոյեմբերի 21-ին` ԱՄՆ-ում, դադարեցվեց 11-րդ ռաունդում, և մրցավարների որոշմամբ հաղթանակ շնորհվեց Ուորդին: Անպարտելի բռնցքամարտիկն իր հաջորդ մենամարտը կանցկացնի 2012 թվականին` WBO վարկածով Աշխարհի չեմպիոն Ռոբերտ Շտիգլիցի (40-2-0) հետ:
