Ադրբեջանական ANS PRESS-ի փոխանցմամբ՝ Ադրբեջանի նախագահ Իլհամ երեկ Ալիևը հեռախոսազրույց է ունեցել Ռուսաստանի նախագահ Դմիտրի Մեդվեդևի հետ։ Հեռախոսազրույցի ընթացքում Ալիևը շնորհավորել է Մեդվեդևին՝ Պետդումայի ընտրություններում իշխող Единая Россия կուսակցության տարած հաղթանակի կապակցությամբ։
Բացի այդ, հեռախոսազրույցի ընթացքում կողմերը քննարկել են տարբեր ոլորտներում երկկողմանի հարաբերությունների զարգացման հարցը՝ հույս հայտնելով, որ այսուհետ նույնպես դրանք ընդլայնվելու ու զարգանալու են։
Իսկ ռուսական Regnum լրատվական գործակալության հաղորդմամբ՝ Ալիևն այսօր էլ նույն կապակցությամբ զանգահարել է Ռուսաստանի վարչապետ Վլադիմիր Պուտինին։
Հիշեցնենք, որ Ռուսաստանի Պետդումայի՝ դեկտեմբերի 4-ին տեղի ունեցած ընտրություններում Единая Россия-ն հավաքել էր քվեների ավելի քան 49 տոկոսը, ինչը նշանակում է, որ նա Պետդումայում կստանա 238 մանդատ։
