ԱՄՆ Այովա նահանգը կրկին հայտնվել է ամերիկյան քաղաքականության կենտրոնում։ Այստեղ այսօր՝ երկուշաբթի օրը սկսվում է նախագահի թեկնածուների ընտրությունների շրջանը:
Այս տարի դեմոկրատները մի փոքր փոխել են ժամանակացույցը, բայց հանրապետականները հավատարիմ են մնացին ավանդույթին, որն արդեն կես դար է, և թեկնածուի առաջին ընտրություններն անցկացվում են հունվարի 15-ին Այովայում:
Այովայում հանրապետականների և դեմոկրատների համար թեկնածուների ընտրությունները տարբեր կերպ են ընթանում։ 2020 թվականին դեմոկրատները փոխել են ընթացակարգը. հավակնորդին կընտրեն փոստով, իսկ հետո կհայտարարեն արդյունքների մասին․ հայտնում է BBC-ն՝ Ռադար Արմենիաին։
Հանրապետականները, ինչպես նախկինում, հավաքվելու են յուրաքանչյուր ընտրատեղամասում (սովորաբար դպրոցում, համայնքային կենտրոնում կամ նմանատիպ այլ վայրում) ՝ երկուշաբթի երեկոյան: Քվեարկության իրավունք ունեցող ընտրողները նախ կքննարկեն թեկնածուներին, իսկ հետո թղթի վրա կգրեն իրենց ֆավորիտի անունը և կհանձնեն ժողովի նախագահին: Նա կհաշվարկի ձայները և դրանք կփոխանցի նահանգի կուսակցական գրասենյակ, որը հաշվում և հրապարակում է արդյունքները։
Հանրապետական ազգային համագումարին, որտեղ կընտրվի կուսակցության նախագահի թեկնածուն, Այովայից 40 պատվիրակ կմեկնի:
