Երևանի աղբահանության առումով տեսանելի մեծ խնդիրներ միգուցե առկա չեն, բայց իրականում համակարգային շատ մեծ խնդիրներ կան։
Այս մասին ասաց Երևանի քաղաքապետ Տիգրան Ավինյանըէ դեկտեմբերի 29-ին կայացած տարեվերջյան մամուլի ասուլիսում։
«Ունենք խնդիր ավտոպարկի հետ։ Հին ստանդարտի «Կամազ»-ներ ունենք, որոնցից շատերը փոխարինման ենթակա են, բայց ամենամեծ մեր խնդիրը Նուբարաշենի, Էրեբունու աղբավայրի փակումն է, որը պիտի կարողանանք լուծել 3-4 տարվա ընթացքում և կառուցել նոր մոդելի աղբավայր»,-պարզաբանեց քաղաքապետը՝ հայտնելով, որ քննարկվում է որոշ աղբամաններ գետնի տակ անցկացնելու հնարավորությունը, որի ուղղությամբ որոշ պիլոտային աշխատանքներ կսկսվեն 2024 թվականին, իսկ հաջողության դեպքում՝ հնարավոր է ամբողջական, համակարգային փոփոխություն տեղի ունենա։
