Այս փուլում ԱՄՆ առաջնահերթությունը Հարավային կովկասն ու Լեռնային Ղարաբաղը չեն: «Առաջին լրատվական»-ի հետ զրույցում նշեց քաղաքագետ Տիգրան Գրիգորյանը՝ անդրադառնալով Փաշինյան-Բլինքեն հեռախոսազրույցին:
Գրիգորյանը կարծում է, որ ԱՄՆ-ի նպատակը տարածաշրջանում ռուսական ազդեցության նվազումն է․ «ԱՄՆ-ն ցանկանում է նաև թուլացնել Հայաստանի կախվածությունը Ռուսաստանից: Պետք է հասկանալ՝ Հայաստանի ինքնիշխանությունը որևէ երրորդ երկիր չի պաշտպանելու»:
Քաղաքագետը կարծում է, որ Արևմուտքը ցանկանում է համապարփակ լուծում բոլոր խնդիրների համար, ՌԴ-ն՝ լուծումներ խնդիրներից որոշների համար․ «ԼՂ հարցում արևմտյան դիրքորոշումը իրատեսական հեռանկար չունի․ ՀՀ իշխանության համար դժվար է գնալ նման լուծումների: ԼՂ հարցում ռուսական տարբերակը ավելի իրատեսական է և հնարավոր է հենց այդ սցենարով էլ շարժվի տարածաշրջանը․ ՀՀ-ից մեծ բան կախված չէ»:
