Freedom House-ի հայաստանյան ներկայացուցիչ Անդրանիկ Շիրինյանը ֆեյսբուքյան իր էջում գրել է․
2018-ի շարժումը խորը սոցիալական արմատներ ուներ. հարստահարված ու կեղեքված, աղքատ ու ստորացված ժողովուրդը դուրս էր եկել օլիգարխների, ֆեոդալների, բռնապետների դեմ պայքարի՝ սոցիալական արդարություն հաստատելու հույսով:
Այսօր յուրաքանչյուր քաղաքացի կարող է տասնյակ սոցիալական խնդիրներ թվել, որոնք պետք է լուծվեն ցանկացած արձանի փոխարեն և իվերջո պատմության այս ժամանակահատվածում մենք ենք ապրում այս տարածքում ու մեր կարիքներն ու պահանջները պետք է առաջնային լինեն, ոչ թե կամայական եվրոպացի տուրիստներինը:
Այս ամբողջ պատմությունը արձանի մասին, բացի իր խորը հոգեբանական կողմերից, նաև նրա մասին է, որ որոշումներ կայացնողները, հարուստները կտրված են հասարակությունից, փոփոխությունները խորքում սոցիալական արդարություն հաստատելու նպատակ չունեն ու մեր կարիքներն ու ցանկությունները երկրորդ, երրորդ պլան են մղվում:
Այս ամենը նրա մասին է, որ 2018-ի շարժման նպատակները չեն իրականացել, բայց սա մեզ չպետք է հուսահատեցնի ու տխրեցնի, սա առնվազն պետք է բարկացնի մեզ, որ հաշվետվողականության կանչենք նրանց, ովքեր ստանձնել էին շարժման նպատակներն իրականցնելու գործը:
