Սլովակիայի, Չեխիայի և Ավստրիայի իշխանությունները մտադիր են թույլատրել իրենց բնակիչներին, ովքեր լիարժեք՝ երկու դեղաչափով պատվաստվել են կորոնավրուսի դեմ, ստանալ երրորդ դեղաչափը։ Այս մասին հայտնում է RTVS հեռուստաալիքը։
Ցանկացողներին կթույլատրվի երրորդ դեղաչափն ընդունել պատվաստման հիմնական կուրսի ավարտից 8 ամիս անց։
Իշխանությունները հայտնել են, որ բուստերային դեղաչափն առաջին հերթին պետք է ստանան ռիսկային խմբերում գտնվող քաղաքացիները։ Նրանց թվին են դասվում 60-ից բարձր տարիքի և քրոնիկական հիվանդություններ ունեցող անձինք։
Ինչպես նշվում է, Բրատիսլավան, Պրահան և Վիեննան այս հարցով որոշման հետ կապված չեն սպասի Դեղամիջոցների եվրոպական գործակալության դիրքորոշմանը։
Հայտնի է, որ Չեխիայում երրորդ դեղաչափը հնարավոր է ստանալ սեպտեմբերի 20-ից։