Sky Sports-ի հաղորդմամբ՝ Լոնդոնի «Չելսի»-ի պորտուգալացի գլխավոր մարզիչ Անդրե Վիլլաշ Բոաշը հայտարարել է, որ «Մանչեսթեր Սիթի»-ն անազնիվ տրանսֆերային քաղաքականություն է վարում.
««Մանչեսթեր Սիթի»-ն կարող է լրջորեն հավակնել Պրեմիեր լիգայում հաղթանակ տանելուն՝ հաշվի առնելով այն գումարները, որոնք նոր ձեռքբերումների վրա ծախսում են «քաղաքաբնակները»։ Այդպիսի տրանսֆերային քաղաքականությունը համարվում է մի քիչ անազնիվ՝ մնացյալ ակումբների նկատմամբ։
Հինգշաբթի օրը նրանք մոտ 38 միլիոն ֆունտ սթեռլինգով գնեցին արգենտինացի ռմբարկու Սերխիո Ագուերոյին։ Ես կարծում եմ, որ դա անազնիվ է։ Ավելի քան ակնհայտ է, որ նրանք տիտղոսներ նվաճելու թիմ են ձևավորում։ Իհարկե, դա իմ գործը չէ, սակայն իմ կարծիքով՝ նրանք կարող են անգլիական Պրեմիեր լիգայում հավակնել առաջին տեղին»։
