Պատերազմի ժամանակ հասարակության մեջ տագնապի զգացումը նորմալ երևույթ է, բայց պետք է հաղթահարել: Պատերազմում հաղթում է այն ժողովուրդը, որը հաղթահարում է տագնապը: Եվ դա հաղթահարվում է նախ և առաջ իմաստնության շնորհիվ: Մենք բոլոր շանսերն ունենք հաղթահարելու տագնապը և հաղթելու պատերազմը: Այս մասին «Առաջին լրատվական»-ի հետ զրույցում ասաց «Ղարաբաղ» կոմիտեի անդամ Ալեքսան Հակոբյանը:
«Պատերազմական իրավիճակում գտնվում են չար ուժեր, որոնց օգտագործում են: Լրտեսներ միշտ կան, նրանք օգտագործում են ավելի թույլ մարդկանց, բայց արդյո՞ք նրանք կարող են հասնել հաջողության: Բարի մարդիկ ավելի շատ են, քան չարերը, բայց մեծամասնությունը կազմում են չարի ու բարու արանքում եղած մարդիկ»,- ասաց Հակոբյանը՝ անդրադառնալով վարչապետի հայտարարությանն այն մասին, որ առաջնագծում հայտնվել են մարդիկ, ովքեր փորձել են խուճապ առաջացնել, զինվորներին համոզել, անգամ ստիպել են դիրքեր հանձնել:
Մեր զրուցակիցը նշեց, որ միգուցե ճիշտ կլինի մեկուսացնել պառակտիչ գործողություններ իրականացնողներին. «Այսօր Ազգային ժողովում նախագիծ էր քննարկվում սահմանափակումների մասին, որով որոշ չափով կկարգավորվի այդ խնդիրը. պատերազմական իրավիճակում դա նորմալ է,- նշեց Հակոբյանը:
Մանրամասն՝ տեսանյութում:
