ՈւԵՖԱ-ի նախագահ Միշել Պլատինին կարծում է, որ Բրազիլիայի և Արգենտինայի հավաքականները կլինեն «Մունդիալ-2014»-ի ֆավորիտները: Ֆրանսիացու կարծիքով՝ եվրոպական հավաքականների համար շատ դժվար կլինի մրցակցել հարավամերիկյան հավաքակնների հետ:
«Բրազիլիան ֆավորիտ է համարվում աշխարհի բոլոր առաջնություններում,- Պլատինիի խոսքերն է փոխանցում L’Equipe-ը: – Բացի այդ բրազիլացիների համար այս մրցաշարը տնային է: Արգենտինան նույնպես լավ թիմ է հավաքել: Հարավամերկացիները չափազանց ուժեղ են: Եվրոպացիների համար դժվար կլինի, բայց Ֆրանսիան, Գերմանիան և Անգլիան կարող են մրցակցել նրանց հետ»:
Հիշեցնենք, որ ֆուտբոլի աշխարհի 2014 թվականի առաջնությունը կայանալու է Բրազիլիայում և մեկնարկելու է հունիսի 12-ին, իսկ եզրափակիչ խաղը նախանշված է հուլիսի 13-ին:
