Ինչպես արդեն տեղեկացրել ենք, Անգլիայի առաջնության 34-րդ տուրի կենտրոնական դիմակայության շրջանակներում «Լիվերպուլ»-ը սեփական հարկի տակ 3:2 հաշվով առավելության է հասել «Մանչեսթեր Սիթի»-ի նկատմամբ: Մերսիսայդցիների գլխավոր մարզիչ Բրենդան Ռոջերսը խաղից հետո նշել է, որ իր թիմը գերազանց հանդիպում անցկացրեց: Ինչպես նաև նշել է, որ իրենցից սպասելիքները և պահանջները շատ մեծ են:
«Կարծում, որ մենք մեզ հիանալի դրսևորեցինք,- Ջոջերսի խոսքերն է մեջբերում BBC-ն: -Մենք անհավատալի էինք գործում՝ ցուցադրելով հզոր թիմային ոգի և որակով ֆուտբոլ: Միևնույն ժամանակ պետք է արժանին մատուցենք մրցակցին: Տղաները հրաշալի էին, բայց «Սիթի»-ի ֆուտբոլիստները ցանկացած ժամանակ 15-20 րոպեով կարողանում էին վերադառնալ խաղին: Այնուամենայնիվ, այս ամենը հաշվի առած՝ մենք կարողացանք հաղթել, ինչը հոյակապ ադյունք է:
Այսպիսի հաջողություններ միշտ էմոցիոնալ են, նամանավանդ «Հիլզբորո» մարզադաշտի ողբերգության զոհվածների հիշատակի օրվան: Մենք ամեն օր հիշում ենք դա: Եվ այդ հիշողությունը մեզ ոգեշնչում էր: «Լիվերպուլ»-ից միշտ շատ բան են սպասում, ինչ որոշակի խնդիրներ է առաջացնում: Մենք ցանկանում ենք մնալ մրցաշարային աղյուսակի գլխավերևում: Թիմը ճնշման տակ էր, բայց կարողացավ հաղթահարել այն»:
Նշենք, որ «Լիվերպուլ»-ը այս խաղից հետո վաստակած 77 միավորով գլխավորում է Պրմիեր լիգայի մրցաշարային աղյուսակը և կորցրած միավորների քիչ քանակով առաջ է անցել և՛ 2-րդ հորիզոնականում գտնվող «Չելսի»-ից, և՛ 3-րդ հորիզոնականում գտնվող «Մանչեսթեր Սիթի»-ից:
