ՆԱՏՕ-ի որոշ համացանցային կայքեր դարձել են «ԿիբերԲերկուտ» ուկրաինական խմբավորման թիրախը: Ցանցահենների կայքի հաղորդումը փոխանցում է gazeta.ru-ն:
Նշվում է, որ հարձակումը բողոք է Ուկրաինայում «ՆԱՏՕ-ական օկուպանտների» ներկայության դեմ:
«Ուկրաինայում կիևյան խունտայի խնդրանքով գործում է ուսանողների խումբ՝ ՆԱՏՕ-ի տալլինյան կիբերկենտրոնի (NATO Cooperative Cyber Defence Centre of Excellence) ղեկավարությամբ, որոնք իրենց անվանել են մայդանյան «Կիբերհարյուրյակ»: Նրանց հետևում թաքնվելով՝ Արևմուտքը ԶԼՄ-ների և սոցցանցերի միջոցով Ուկրաինայի բնակչության շրջանում անցկացնում է ակտիվ քարոզչություն, արգելափակում է տեղեկատվության օբյեկտիվ աղբյուրները, թաքցնում հանցագործների գործողությունները, որոնք իրենց անվանում են «օրինական իշխանություն»,- ասված է «ԿիբերԲերկուտ»-ի հաղորդագրության մեջ:
Հյուսիսատլանտյան դաշինքի պաշտոնական ներկայացուցիչ Օանա Լունգեսկուն նշել է, որ ցանցահենային հարձակումը չի ազդել կարևորագույն համակարգերի աշխատանքի վրա, և որ կայերքից մեկն արդեն գործում է:
