Կոտայքի մարզի ընդհանուր իրավասության դատարանում Վաղինակ Մկրտչյանի նախագահությամբ սկսվել է Լյովա Սետլյակովի գործի դատական քննությունը:
Ըստ մեղադրանքի՝ 18-ամյա Լյովան 2013 թվականի դեկտեմբերի 26-ին, ժամը 14-ին այցելել է Զովք գյուղում բնակվող հորաքրոջը:
Իմանալով, թե որտեղ է գտնվում հորաքրոջ տան մուտքի դռան բանալին՝ երիտասարդ եղբորորդին ներս է թափանցել ու գաղտնի հափշտակել 350 հազար դրամի ոսկեղեն՝ մեկ թևնոց, երկու մատանի, մեկ զույգ ականջօղ, ինչպես նաև՝ 50 հազար դրամ կանխիկ գումար:
Լյովային մեղադրանք է առաջադրվել գողության համար՝ ՀՀ քրեական օրենսգրքի 177 հոդվածի 3-րդ մասի 1.1 կետով:
Նրա խափանման միջոցը կալանավորումն է: