Նախախորհրդարանն այսօր Կենտրոն համայնքում անցկացրեց հերթական իրազեկման ակցիան: Ակցիայի մասնակիցները դեղին գլխարկներով շրջեցին փողոցներով և մարդկանց կոչ արեցին միանալ պայքարին և երկրում հեղափոխություն իրականացնել:
Նախախորհրդարանի մամուլի խոսնակ Վարուժան Ավետիսյանը «Առաջին լրատվական»-ի հետ զրույցում խոսելով երթերից՝ ասաց, որ Նախախորհրդարանը համոզված է՝ այս իշխանության վերահսկողության պայմաններում որևէ կերպ ժողովրդի կամքը կոնսոլիդացնել և արտահայտել հնարավոր չէ՝ լինի դա արտահերթ, թե հերթական ընտրությունների միջոցով. «Նախ անհրաժեշտ ենք համարում ձևավորել այն նվազագույն մակարդակով և ծավալով պետական մարմինները, որոնք հետո պետք է սաղմի պես դրվեն համակարգի մեջ՝ գործող իշխանության հեռացումից հետո, համակարգը վերածել ազգային շահերով առաջնորդվող համակարգի»:
Նրա հավաստմամբ՝ վարչախմբին հեռացնելուց հետո պետք է ստեղծել անցումային կառավարություն, որովհետև հնարավոր չէ միանգամից ընտրություններ անցկացնել՝ պետք է կայունացնել իրավիճակը, հետո միայն ժողովրդավարության սկզբունքով նոր իշխանություն ձևավորել:
Վարուժան Ավետիսյանի խոսքով՝ այն ուժերը, որոնք միանգամից իշխանափոխություն են առաջարկում, նույն կազինոն է լինելու, նորից մոլորեցնելու են ժողովրդին: Քսան տարի է՝ մեր երկրում այդ իրավիճակն է. «Ուկրաինական սցենարը չկրկնելու համար մենք պետք է պատրաստվենք փոփոխությունների»:
Մանրամասները՝ տեսանյութում:
