Վրաստանի նախկին նախագահն ասել է, որ Ուկրաինայի առաջնորդին այդ որոշման համար 24 ժամ չի տրամադրի:
Վրաստանի նախկին նախագահ և Օդեսայի մարզի նախկին ղեկավար Միխաիլ Սահակաշվիլին դիմել է Ուկրաինայի գործող նախագահ Պետրո Պորոշենկոյին, խնդրելով վերադարձնել իր ուկրաինական քաղաքացիությունը մինչև նախագահական ընտրությունների երկրորդ փուլը:
«Հզո՞ր է վերականգնել օրինականությունը: Վերադարձնել ինձ իմ ուկրաինական անձնագիրը և հնարավորություն տալ ինձ մտնել Ուկրաինա: Եթե դուք չեք վախենում, եթե դուք իրոք այդքան խիզախ եք և որոշել եք փոխվել, ապա դուք դրա հնարավորությունն ունեք»,- ասել է Սահակաշվիլին Facebook-ի իր տեսաուղերձում:
Միևնույն ժամանակ, նա հայտարարել է, որ Պորոշենկոյին դրա համար 24 ժամ չի տա: «Բայց դուք դեռ բավարար ժամանակ ունեք մինչև նախագահական ընտրությունների երկրորդ փուլը՝ օրենքի և միջազգային իրավունքի շրջանակներում գործելու համար: Ես սպասում եմ ձեր որոշմանը, Պետր Ալեքսեևիչ»,- եզրափակել է Սահակաշվիլին:
2015 թ. մայիսին Ուկրաինայի քաղաքացիություն ստացած Սահակաշվիլին որպես այդ երկրի քաղաքացի մնացել է մոտ երկու տարի: 2017-ի հուլիսին Պետրո Պորոշենկոն, Սահակաշվիլու հետ քաղաքական տարաձայնություններից հետո, նրան զրկել է Ուկրաինայի քաղաքացիությունից՝ անձնագիր ստանալու ժամանակ ոչ ճիշտ տեղեկություն նշելու պատրվակով: 2018-ի փետրվարի 12-ին Վրաստանի նախկին նախագահը ձերբակալվել է Կիևում, այնուհետև արտաքսվել Լեհաստան: Այնտեղ նա հայտարարել է, որ չի հրաժարվի Ուկրաինա վերադառնալու փորձերից: Ուկրաինայի պետական սահմանապահ ծառայությունը Սահակաշվիլուն արգելել է երկիր մուտք գործել մինչև 2021թվականը:
