Ջուլիա Ռոբերթսի խորթ քրոջ՝ 37-ամյա Նենսի Մոութսի մահվան վայրում հայտնաբերվել է գրություն: Ավելի վաղ հաղորդվել էր, որ նա ոչ մի գրություն չի թողել, իսկ նրա հարազատները կարծել են, որ Մոութսը մահացել է թմրանյութերի չարաշահումից: Այս մասին հայտնում է Vesti-ն:
Վերջին ուղերձում կինն իր բոլոր դժբախտությունների համար մեղադրում է քրոջը:
Նրանց հարաբերությունները միշտ լարված են եղել: Քույրը հրապարակավ մեղադրել է Ռոբերթսին, որ նա արհամարհել է իրեն և հրաժարվել շփվել, ինչպես նաև կոչ է արել դերասանուհու երկրպագուներին՝ հեռու մնալ նրանից: Նա գանգատվել է, որ Ռոբերթսը միշտ ծաղրել է իրեն ավելորդ քաշի համար: Բացի դրանից՝ Ռոբերթսը թույլ չի տվել նրան տեսնվել հիվանդ մոր հետ:
Վերջին օրերին Մոութսը վատ տրամադրություն է ունեցել: Twitter-ում վերջին օրերին կարելի է տեսնել նրա գրառումները, որոնցում նա քույր բառը գրել չակերտներով: Նա գանգատվել է, որ հարազատները մոռացել ու լքել են իրեն:
Ռոբերթսը դեռևս որևէ մեկնաբանությամբ հանդես չի եկել, սակայն հրաժարվել է մասնակցել առաջիկայում ծրագրված բոլոր հասարակական և ժամանցային միջոցառումներին:
