Առաջիկա 2019 թվականը և հաջորդ տարին՝ 2020-ը, Բելառուսի համար հատուկ, քաղաքական իրադարձություններով հագեցած կլինեն: Այս մասին հայտարարել է նախագահ Ալեքսանդր Լուկաշենկոն, հաղորդում է BELTA-ն:
Նրա խոսքով՝ հանրապետությունը «և ձախից, և աջից, և Արևմուտքում, և Արևելքում ինքնիշխանության և անկախության տեսանկյունից լուրջ փորձության կենթարկվի»: Միևնույն ժամանակ, Լուկաշենկոն շեշտել է, որ երկիրը ոչ ոք «չի տեղաշարժի», եթե կառավարությունը արդյունավետ աշխատի:
Հանդիպման ընթացքում, որտեղ տեղական և գործադիր մարմինների ղեկավարների նշանակումներն էին համաձայնեցվում, Լուկաշենկոն շեշտել է, որ տարվա ընթացքում այցելելու է երկրի տարբեր մարզեր՝ տեղական իշխանությունների աշխատանքներին ծանոթանալու համար:
