Այսօր՝ 2019 թվականի հունվարի 14-ին, մեկնարկեց 7-րդ գումարման Ազգային ժողովի առաջին նստաշրջանը: «Բարգավաճ Հայաստան» խմբակցության կողմից ԱԺ փոխնախագահի ընդդիմադիր թեկնածու առաջադրվեց Վահե Էնֆիաջյանը:
«Իմ քայլը» խմբակցության անդամ Թագուհի Ղազարյանը, սկզբունքորեն չվիճարկելով մեծությամբ երկրորդ խմբակցության կողմից ԱԺ փոխխոսնակ առաջադրելու իրավունքը, ԱԺ փոխնախագահի թեկնածու Վահե Էնֆիաջյանին հիշեցրեց սեպտեմբերի 22-ին «Մեդիա կենտրոնում» տեղի ունեցած մամուլի ասուլիսը, երբ Էնֆիաջյանը իր գործընկերների հետ անակնկալ ձևով հայտնվեց ասուլիսի սրահում ու միջամտեց ասուլիսի ընթացքին. «Արդյոք սրանից հետո ձեզ ոչ այնքան ականջահաճո տեքստեր լսելու դեպքում դուք պատրաստվո՞ւմ եք նման կոպիտ ձևով միջամտություն անել, թե՞ ավելի քաղաքակիրթ տարբերակների կդիմեք»:
Պատգամավորը հավելեց, որ ուզում է ընդամենը վստահ լինել, որ ազատ խոսքի նման միջամտություններ այլևս տեղի չեն ունենա:
Էնֆիաջյանը խոստացավ գործել բացառապես համարժեքության սկզբունքով. «Եվ այդ դրվագը այդ սկզբունքից հեռու չի եղել»:
Մանրամասները՝ տեսանյութում:
