«Մամուլի հետ սուրճ» հաղորդման հոկտեմբերի 17-ի հյուրը Panarmenian.net-ի խմբագիր Նիկոլայ Թորոսյանն է։
Խոսելով Նիկոլ Փաշինյանի՝ վարչապետի պաշտոնից հրաժարական տալու մասին, մեր զրուցակիցն ասաց. «Հայտնի օրենքի ընդունումից մինչև երեկ մենք տեսանք նախապատրաստական փուլ, երբ վարչապետը փորձում էր կոտրել բոլոր դիմադրություններն ու խանգարող հանգամանքները։ Կարծես թե նա դրան հասավ։ Բայց քաղաքականության մեջ ինչ-որ բան կանխատեսելը դժվար է։ Հայտնի օրենքի ընդունման առավոտյան մենք չէինք պատկերացնում, որ Նիկոլ Փաշինյանի տակ այդպիսի ռումբ են դրել»։
Հիմա հարցը, ըստ Նիկոլայ Թորոսյանի, մեկն է. «Մարդիկ, ովքեր կանգնած են այդ ամենի հետևում, էլի ինչ-որ ռումբեր թողե՞լ են, թե՞ հանձնվել են ու գնացել տներով։ Մոտակա երկու շաբաթների ընթացքում մենք դա կտեսնենք»։
