Time պարբերականը շապիկին կոլաժ է տեղադրել, որտեղ պատկերված են լաց լինող երեխան և ԱՄՆ նախագահ Դոնալդ Թրամփը։ Լուսանկարը մակագրված է՝ «Բարի գալուստ Ամերիկա»։
Համարի թեման է դարձել ներգաղթյալների նկատմամբ ԱՄՆ-ի կոշտ քաղաքականությունը։ «Հատուցում Թրամփի բաժանման քաղաքականության պատճառով․ մենք ինչպիսի՞ երկիր ենք» խորագրով հոդվածում նշվում է, որ ԱՄՆ գործող նախագահը ոտնահարել է մարդասիրական արժեքները, որոնք մի քանի հարյուր տարի երկրում առաջնային են եղել։
Նյութում խոսվում է Մեքսիկայից ԱՄՆ-ում ապօրինի բնակվող ներգաղթյալների նկատմամբ «զրոյական հանդուրժողականության» քաղաքականության մասին․ մի քանի շաբաթվա ընթացքում ավելի քան 2 հազար փոքրիկ երեխաների բաժանել են ծնողներից։ Ենթադրվում է, որ Թրամփը ցանկանում է կյանքի կոչել պատ կառուցելու վերաբերյալ իր նախընտրական խոստումը, որը կոնգրեսում կարող է փոխել ուժերի դասավորվածությունը։
Երկամյա աղջնակին լուսանկարել է լուսանկարիչ Ջոն Մուրը՝ Մեքսիկայի հետ ԱՄՆ-ի սահմանին շրջայցերի ժամանակ։ Աղջկա ընտանիքը Հոնդուրասից է։ Լուսանկարը հայտնվել է նաև այլ պարբերականների շապիկին։
TIME’s new cover: A reckoning after Trump's border separation policy: What kind of country are we? https://t.co/U4Uf8bffoR pic.twitter.com/sBCMdHuPGc
— TIME (@TIME) June 21, 2018
