Punto Pelota-ի լրագրող Ֆրանսուա Գալյարդոն հայտարարել է, որ կատալոնական «Բարսելոնա»-ի առաջատար Լիոնել Մեսսին ընթացիկ մրցաշրջանից հետո փոխելու է ակումբային գրանցումը:
«Մեսսին իրեն խաբված է զգում և որոշել է ընթացիկ մրցաշրջանից հետո հեռանալ: Նա արդեն բանավոր համաձայնություն ունի այլ ակումբի հետ և փետրվարին կամ մարտին բանակցություններ կսկսի տեղափոխության նպատակով:
Սեպտեմբերի վերջին ֆուտբոլիստն ու իր գործակալը հանդիպել են ակումբի ղեկավարության հետ՝ պայմանագրի ֆինանսական պայմանները բարելավելու նպատակով: Ակումբի ներկայացուցիչները ֆուտբոլիստին խոստացել են, որ կբավարարեն նրա պահանջը, բայց մեկ ամիս անց նրան տեղեկացրել են, որ չեն կարող կատարել խոստումը:
Մեսսին ընթացիկ մրցաշրջանի ավարտից հետո կփոխի ակումբային գրանցումը»,- հայտարարել է Գալյարդոն:
