Եվրոպայում անձի հաշվով ամենից մեծ քանակությամբ աղբը բաժին է ընկնում Դանիային, իսկ վերամշակման ամենամեծ մասնաբաժինը՝ Գերմանիային (66 տոկոս)։
Միջին հաշվով եվրոպացուն տարեկան բաժին է ընկնում 480 կգ կենցաղային աղբ՝ 0.1 տոկոսով քիչ, քան մեկ տարի առաջ և 9 տոկոսով քիչ, քան 2002 թվականին, հայտնում է Eurostat վիճակագրական ծառայությունը։
Ամենամեծ մասնաբաժինը դանիացիներինն է՝ տարեկան մեկ անձի հաշվով 777 կգ։ Երկրորդ տեղում Մալթան է (647 կգ), երրորդում՝ Կիպրոսը (640 կգ)։
Ամենից քիչ աղբ են կուտակում ռումինացիները (261 կգ), լեհերը (301 կգ) և չեխերը (339 կգ)։
