Էշթոն Քաթչերը պարզաբանել է, թե ինչու է երեխաներին հեռու պահում ԶԼՄ-ներից

Էշթոն Քաթչերն ու Միլա Կունիսը դաստիարակում են երկու փոքրիկների, եռամյա Ուայեթին ու մեկ տարեկան Դմիտրիին, և ամենայն խստությամբ հեռու են պահում ԶԼՄ-ների ուշադրությունից։

Աստղային զույգի համար իրենց երեխաների ոչ հանրաճանաչ լինելը սկզբունքային հարց է։ Քաթչերը դրա պատճառը հայտնել է ոչ վաղ անցյալում տված հարցազրույցի ժամանակ։

Դերասանն ընդգծել է, որ իրենք իրենց երեխաների լուսանկարները չեն տարածում սոցցանցերում, քանի որ համոզված են, որ հանրային լինելն անձնական ընտրությունն է։

Նա հավելել է, որ ինքն ու Կունիսն ընտրել է իր մասնագիտությունը, որն այսպես թե այնպես ենթադրում է բացություն, սակայն դա իրենց իրավունք չի տալիս երեխաների փոխարեն որոշել նույն բանը։

Քաթչերն ընդգծել է, որ իրենց երեխաներն ունեն ընտրության իրավունք, իրենք պետք է որոշեն, արդյոք դա անհրաժեշտ է, թե ոչ։