Հայաստանի հակամենաշնորհային հանձնաժողովի նախագահը Մոսկվայում է: Ռուսաստանի նույն մարմի հետ հանդիպմանը քննարկվել են ԱՊՀ անդամ երկրներում դեղորայքի ոլորտում բացահայտված խնդիրներ:
Օրինակ, Ռուսաստանում տարածված է, որ բժիշկները հիվանդներին նշանակում են կոնկրետ անվանումով դեղեր և ուղղորդում են գնալ կոնկրետ դեղատուն կամ որոշակի հիվանդանոցներ` հետազոտություն անցնելու համար: Այս դեպքում բժշիկները որոշակի տոկոս են ստանում`յուրաքանչյուր հիվանդի վճարած գումարից:
Հանդիպման ընթացքում ներկայացրել են նաև դեղորայքի ոլորտի այլ մրցակցային խնդիրներ: Օրինակ, Ռուսաստանում «Բրոնխոմեդ» դեղի գովազդի ժամանակ նշվել է, որ չունի հակացուցումներ, սակայն այն իրականությանը չի համապատասխանում: Կամ մեկ այլ՝«Լիսոբակտ»դեղի գովազդում նշվել է, որ այն նախատեսված է մեծահասակների և երեխաների արագ բուժման համար, սակայն այդ դեղը հակացուցված է մինչև 3 տարեկան երեխաներին:
Չի բացառվում, որ այդպիսի երևույթներ կարող են լինել նաև Հայաստանում, այդ իսկ պատճառով Տնտեսական մրցակցության պաշտպանության պետական հանձնաժողովը նախագահի վերադառնալուն պես կուսումնասիրի այս ոլորտը:
Հիշեցնենք, որ որ ՏՄՊՊՀ նախագահ Արտակ Շաբոյանը ԱՊՀ անդամ-պետությունների հակամենաշնորհային քաղաքականության միջպետական խորհրդի անդամ է:
