Մոսկվայի «Սպարտակ»-ի և Հայաստանի հավաքականի հարձակվող Յուրա Մովսիսյանն իր կարծիքն է հայտնել Ռուսաստանի Պրեմիեր Լիգայի 11-րդ տուրում «Զենիթ»-ից կրած պարտության, ինչպես նաև իր խփած գոլի մասին:
«Երկու թիմերն էլ դիտարժան խաղ ցուցադրեցին: Կարծում եմ՝ մենք վատ չդրսևորեցինք մեզ, հանդես եկանք առավելագույն հնարավորություններով: Անուամենայնիվ, ցանկանում եմ նշել, որ այսօր ավելի շատ պարտվեցինք մենք, ոչ թե հաղթեց մրցակիցը: Հավանաբար, պատճառը մեր հոգնածությունն էր: Շաբաթվա ընթացքում երրորդ խաղն էինք անցկացնում, թեև առկա էին նաև անհատական սխալներ:
Այսօր 6-րդ գոլը խփեցի Ռուսաստանի ընթացիկ առաջնությունում, սակայն այն ավելի մեծ նշանակություն կունենար, եթե որոշիչ լիներ: Բոլորը հիասթափված են արդյունքից:
Չեմ կարող չնշել մեր երկրպագուների աջակցությունը: Չափազանց հաճելի է, որ մեզ միշտ աջակցում են այդքան երկրպագուներ: Դա շատ է օգնում թիմին, հատկապես արտագնա խաղերում»,- Մովսիսյանի խոսքերը մեջբերում է «Սպարտակի» պաշտոնական կայքը:
