Ուրբաթ օրը Պյոտր Սվիտալսկին նորից հանդես եկավ Հայաստանի անկախության և ինքնիշխանության մասին հայտարարությամբ և էներգետիկ անկախությունն ուղղակի կապեց Հայաստանի ինքնուրույն ապագայի հետ։ Հրապարակախոս, քաղաքագետ Անուշ Սեդրակյանն «Առաջին լրատվական»-ի հետ զրույցում ասել է, որ պարզ է, թե ինչու որևէ քաղաքական ուժ չի արձագանքում դեսպանների՝ էներգետիկ անկախության մասին հայտարարություններին: Նրա խոսքերով՝ սա միակ խնդիրն է, որը գտնվում է քաղաքական խժդժությունների, առևտրի, խմբավորումների հետաքրքրությունների ոլորտից դուրս, սա պետական խնդիր է, և դրա համար չի հետաքրքրում քաղաքական ուժերին: Բացի այդ, սակայն խնդիրն է, որ Հայաստանին անմիջապես ռուսական տիրույթից հանում է, և ոչ միայն էնեգետիկ կախվածությունից, այլև բարոյական, գաղափարական կախվածությունից:
«Եվ քանի որ գիտենք, որ Հայաստանի խորհրդարանում ոչ մի ուժ ներկա պահին արևմտամետ չէ, ոչ մի ուժի ձեռնտու չէ խոսել այսպիսի պետականաշեն ծրագրի մասին»,- ասաց հրապարակախոսը:
Հարցազրույցն ամբողջությամբ՝ տեսանյութում։
