Մադրիդի «Ռեալ»-ի նորեկ Գարեթ Բեյլը մեկնաբանել է նոր թիմի կազմում իր առաջին խաղը Չեմպիոնների Լիգայում: Ուելսցին փոխարինման դուրս եկավ «Գալաթասարայ»-ի դեմ խաղի 64-րդ րոպեին, որն ավարտվեց 1:6 հաշվով:
«Հիանալի է, որ մասնակցում եմ այս մրցաշարին: Պատճառներից մեկը, որ ես միացել եմ այս մեծ ակումբին, այն է, որ «Ռեալ»-ը միշտ հանդես է գալիս Չեմպիոնների Լիգայում:
Մարզչի հետ զրույցում ասացի, որ նախամրցաշրջանային ուսումնամարզական հավաքների մեծ մասը բաց եմ թողել, ընդամենը 30 րոպե խաղացել եմ Ուելսի հավաքականում, 60 րոպե՝ հանգստյան օրերին:
Բայց այդ կարճ ժամանակահատվածներն օգնել են ինձ, և ավելի լավ էի զգում «Գալաթասարայ»-ի դեմ խաղում»,- «Ռեալ»-ի պաշտոնական կայքը մեջբերում է Բեյլի խոսքերը:
