G20-ի երկրների առաջնորդները ընդունել են գագաթնաժողովի ամփոփ հռչակագիր, որում հայտարարել են տնտեսական աճը խթանելու և ավելի լավ որակի աշխատատեղեր ստեղծելու մտարդության մասին, հաղորդում է ITAR-TASS-ը:
Ղեկավարները նաև ընդունել են, որ գործազրկությունը և ոչ լրիվ զբաղվածությունը, մասնավորապես երիտասարդության շրջանում, շարունակում են մնալ համաշխարհային տնտեսության մարտահրավերներից մեկը և «Մեծ քսանյակ»-ի գործունեության առաջնային խնդիրը:
Փաստաթուղթը, որը բաղկացած է 35 էջից, ներառում է 20 բաժին՝ ներածությունով և եզրակացությամբ:
Փաստաթղթի տեքստը ներառում է համաշխարհային տնտեսության կայուն և հավասարակշռված աճ, նոր աշխատատեղեր ստեղծելու, ներդրումների ֆինանսավորման հարցեր: Բացի այդ, առանձին գլուխներ նվիրված են այնպիսի հարցերի, ինչպիսին են համակողմանի առևտրի կատարելագործումը, հարկային հարցերի լուծումը։
Ամենածավալուն բաժիններից մեկը նվիրված է ֆինանսական կարգավորմանը: Փաստաթղթում խոսվում է նաև կլիմայի փոփոխությունների, կոռուպցիայի դեմ պայքարի մասին: