«Իմ կողքին այսօր կանգնած են մարտական ուղի անցած մեր վետերանները, ազատամարտիկները, երկրապահ կամավորականները, մարդիկ, ովքեր իրենց սխրանքով վաստակել են մեր հասարակության առաջին շարքերում կանգնելու իրավունքը: Փառք ու պատիվ նրանց»,-այս մասին ՀՀԿ-ի ամփոփիչ հանրահավաքի ժամանակ ասաց ՀՀ պաշտպանության նախարար, ՀՀԿ-ի համամասնական ցուցակի առաջին համար Վիգեն Սարգսյանը:
Պաշտպանության նախարարի խոսքով՝ հենց նրանք են արցախյան ազատամարտում ապահովել երկրի հաղթանակը, հենց նրանք են ապրիլյան քառօրյայում կանգնել փառապանծ հայ զինվորի կողքին՝ բարձր պահելով հայ ազգի պատիվը:
«Այս մարդիկ, առավել քան որևէ մեկը, գիտի թե ինչ է նշանակում անվտանգություն, խաղաղություն: Ես շատ հպարտ եմ, որ նրանք և մեր շատ հերոսներ, որոնցից շատերը ՀՀԿ-ի անդամ են, հենց մեզ են վստահում մեր երկրի թիվ մեկ խնդրի՝ անվտանգության կատարելագործման ամենակարևոր գործառությունը, ՀՀԿ-ին են տալիս իրենց վստահության քվեն: Ես հպարտ եմ, որ մենք գաղափարակից ընկերներ ենք, ես հասկանում եմ, որ դա հսկայական պատասխանատվություն է և մեծագույն պատիվ, անվտանգություն և առաջընթաց»,-նշեց Վ. Սարգսյանը:
Մանրամասները՝ տեսանյութում: