Մյունխենի «Բավարիա»-ի նախագահ Կառլ Հայնց Ռումենիգեն հայտնել է, որ Լոնդոնի «Չելսի»-ն հետաքրքրված է եղել թիմի կիսապաշտպան Ֆրանկ Ռիբերիի ծառայություններով: Ֆրանսիայի հավաքականի ֆուտբոլիստի տրանսֆերի դիմաց անգլիացիները մեծ գումար էին առաջարկում:
««Չելսի»-ն շուրջ 100 մլն եվրո էր խոստանում Ռիբերիի տրանսֆերի դիմաց: Բնականաբար, նման պահերին մտածում ես, կարիք կա՞ արդյոք ֆուտբոլիստի իրավունքների դիմաց նման գումար առաջարկել»,- ասել է Ռումենիգեն:
Հիշեցնենք` օրեր առաջ Ռիբերին հայտարարել էր, որ Պեպ Գվարդիոլան, ով նախկինում գլխավորում էր «Բարսելոնա»-ն, 2009 թվականին ցանկանում էր ձեռք բերել ֆուտբոլիստի տրանսֆերը:
