Բրիտանական MI6 արտաքին հետախուզության ծառայությունը մտադիր է մինչև տասնամյակի վերջ իր հաստիքներն ավելացնել մոտ 1000 աշխատակցով գլոբալ ահաբեկչության դեմ պայքարի համար: Այս մասին հայտնում է Times թերթը:
MI6-ի անձնակազմի ընդլայնումը կիրականացվի անցած տարի կառավարության հայտարարած՝ բրիտանական հատուկ ծառայությունների հաստիքները 15%-ով (1900 մարդ) ավելացնելու ծրագրի շրջանակներում: Այդպիսով, նշում է պարբերականը, արտաքին հետախուզության ծառայության աշխատակիցների թիվը մինչև տասնամյակի վերջ 2500-ից կդառնա մինչև մոտ 3500:
Պարբերականը նշում է, որ դա անհրաժեշտ է թվային տվյալների մեծ ծավալից գլուխ հանելու համար՝ MI6-ի կողմից օգտագործվող միջնորդներին և սպառնալիքները պարզելու նպատակով: Ակնկալվում է, որ վերլուծաբանները կպարզեն «թվային մատնահետքերը», որոնք թողնում են համացանցի, բջջային հեռախոսների և նոթբուքերի օգտատերերը:
