«Բավարիա»-ի պաշտպան Ֆիլիպ Լամը հայտարարել է, որ Գերմանիայի հավաքականի կիսապաշտպան Մարիո Գյոտցեն ճիշտ որոշում է կայացրել` տեղափոխվելով մյունխենյան ակումբ:
Լամը վստահ է, որ Գյոտցեն, ով ներկայումս մարզվում է անհատական ծրագրով, օգտակար կլինի իր թիմին:
«Գերմանիայի լավագույն թիմի կազմում խաղում են լավագույն ֆուտբոլիստները: Իսկ սա «Բավարիա»-ն է: Այնպես որ Գյոտցեի որոշումը տրամաբանական էր: Եթե երիտասարդ ֆուտբոլիստը մյունխենյան ակումբ տեղափոխության շանս ունի, պետք է օգտագործի այն: Այստեղ կան բոլոր նախադրյալները` առաջընթաց գրանցելու համար»,- ասել է Գերմանիայի հավաքականի ավագը:
Հիշեցնենք, որ մինչև «Բավարիա» տեղափոխությունը Գյոտցեն հանդես էր գալիս Դորտմունդի «Բորուսիա»-ում:
