ԱՄՆ նախագահի դեմոկրատ թեկնածու Հիլարի Քլինթոնը նշել է մի քանի աշխատակիցների անուններ, որոնք երկար ժամանակ աշխատել են երկրի նախագահ Բարաք Օբամայի վարչակազմում, որոնք կընդգրկվեն անցումային շրջանի իր խմբում: Այդ մասին հայտնում է Reuters-ը:
Նշվում է, որ ԱՄՆ ներքին գործերի նախկին նախարար և Կոլորադո նահանգից սենատոր Քեն Սալազարը կգլխավորի այդ խումբը:
Խմբում կընդգրկվեն նաև իրավաբան Թոմաս Դոնիլոնը, ազգային անվտանգության հարցերով նախկին խորհրդական, նաև Օբամայի նախկին խորհրդական Նեերա Թանդենը:
Քլինթոնի շտաբի հայտարարության մեջ նշված է, որ խմբում ներառված են Միչիգանի նախկին ղեկավար Ջենիֆեր Գրենհոլմը և Հարվարդի քաղաքականության ինստիտուտի տնօրեն Մեգի Ուիլյամսը:
