Omega Pharma-Quickstep թիմի ներկայացուցիչները հաստատել են, որ թիմի բրիտանացի հեծանվորդ Մարկ Կավենդիշի վրա «Տուր դե Ֆրանս»-ի 11-րդ փուլի ժամանակ երկրպագուները մեզ են լցրել:
Դեռևս հայտնի չէ, թե 33 կմ ունեցող մրցուղու, որ հատվածում է տեղի ունեցել միջադեպը:
«Այդ միջադեպն ինձ շատ է տխրեցրել: Միշտ կարծել եմ, որ հեծանվասպորտի երկրպագուները զարգացած մարդիկ են:
Մարկը շատ է տխրել: Ես չեմ կարող որևէ մեկին մեղադրել, քանի որ մրցուղու երկայնքով 100-200.000 երկրպագուներ են լինում»,- նշել է թիմի գործադիր տնօրեն Պատրիկ Լեֆեվրը:
Հնարավոր է, որ երկրպագուի նման արարքի պատճառ է դարձել Կավենդիշի մասնակցությամբ տեղի ունեցած միջադեպը: Ըստ լուրերի՝ բրիտանացին մտածված կերպով հրել է հոլոնդացի հեծանվորդ Թոմ Վեելերսին:
