Բրազիլիայի ազգային հավաքականի նախկին գլխավոր մարզիչ Մանու Մենեզեսը հայտարարել է, որ թիմի հարձակվող Նեյմարը հաջողության կհասնի կատալոնական «Բարսելոնա»-ում: Այդ մասին տեղեկացնում են հարավամերիկյան լրատվամիջոցները: Մենեզեսը կարծում է, որ բրազիլացի աստղն ունի բոլոր նախադրյալները:
«Ինձ համար հեշտ էր Նեյմարին ազգային թիմ հրավիրել: Հիանալի է, երբ նման բարձրակարգ խաղացողների հետ աշխատելու հնարավորություն ես ստանում: Նեյմարը վերջերս արդարացրել է բոլոր սպասելիքները Կոնֆեդերացիաների գավաթի խաղարկության ժամանակ:
Վստահ եմ՝ Եվրոպայում Նեյմարը կցուցադրի այն խաղը, որը ցուցադրել է «Սանթոս»-ում և Կոնֆեդերացիաների գավաթի խաղարկությունում»,- հայտարարել է Մենեզեսը:
