Բրազիլիայի ազգային հավաքականի գլխավոր մարզիչ Լուիս Ֆելիպե Սկոլարին Կոնֆեդերացիաների գավաթի խաղարկության եզրափակիչից առաջ նշել է, որ իր թիմի մրցակից Իսպանիայի ընտրանին փոքրիկ առավելություն ունի:
«Իսպանիան շատ համակարգված թիմ ունի, սակայն մենք շարունակում ենք ցուցադրել մեր խաղը: Հասկանում ենք, որ իսպանացիները մեզնից մեկ խաղ պակաս են անցկացրել, քանի որ Թաիթիի ընտրանու դեմ խաղում խաղադաշտ էր դուրս եկել թիմի երկրորդ կազմը:
Հիմնական կազմի խաղացողները հնարավորություն են ստացել հանգստանալ և եզրափակչին մոտենալ լավ մարզավիճակում: Հարգում ենք Իսպանիայի հավաքականին, սակայն կփորձենց ցուցադրել մեր ներուժը: Եթե հասել ենք մրցաշարի եզրափակիչ, ապա կարող ենք առավելության հասնել նրանց նկատմամբ»,- հայտարարել է մասնագետը:
Հիշեցնենք, որ Կոնֆեդերացիաների գավաթի խաղարկության եզրափակիչը կկայանա հունիսի 30-ին:
