25-ամյա Ջենիֆեր Ջեյմսը և 24-ամյա Մարկ Դիքսոնն՝ ԱՄՆ-ի Կոնեկտիկուտ նահանգից, Starbucks սրճարանի այցելուներին դիմել են անսովոր խնդրանքով:
Երիտասարդ զույգը ոչ մի կերպ չի կարողացել որոշել ինչպես անվանակոչել իրենց ապագա որդուն, այդ պատճառով այդ հարցը հանել են քվեարկության:
Զույգը սրճարանի այցելուներին առաջարկել է քվեարկել Ջեքսոն կամ Լոգան անունների օգտին: Ամուսինները Assocaited Press գործակալությանը տված հարցազրույցի ժամանակ հայտարարել են, որ ընտրողներին չեն սահմանափակել երկու տարբերակով և թույլատրել են ընտրել նաև երրորդ` իրենց տարբերակը:
Այցելուներից ոմանք առաջարկել են երեխային անվանակոչել Օբամա, Լինքոլն, Ջեբեդիա: Արդյունքում ապագա երեխային որոշում է կայացվել կոչել Լոգան Ջեքսոն Դիքսոն, քանի որ այդ երեք անունները հավաքել էին գրեթե հավասար ձայներ:
