Չժան ազգանունով 18-ամյա չինացին վաճառել է սփական երիկամը, որպեսզի վճարի համակարգչային խաղի իր «մրցակիցների» պարտքերը: Խաղի անվանումը չի բարձրաձայնվում, սակայն պարտքը կազմել է ավելի քան 3 հազար ԱՄՆ դոլար, հաղորդում է ITAR-TASS-ը:
Երիտասարդն իր երիկամը վաճառել է «սև շուկայում»: Նա վիրաբույժին գտել է համացանցի միջոցով, պայմանավորվել է նրա հետ և վիրահատվել՝ ստանալով իր 6.5 հազար դոլարը:
Չժանի պատմությունը հայտնի է դարձել ոստիկանությանը: Այն կցվել է հունիսի սկզբին ոստիկանության կողմից ձերբակալված Հեբեյ գավառում նման «բիզնեսով» զբաղվող հանցախմբի գործին: Գործով առգրավված երիկամներից մեկն էլ, ամենայն հավանականությամբ, պատկանում է Չժանին:
