Եվրահանձնաժողովն ընդունել է որոշում՝ ընթացիկ տարում Սիրիային և նրա հարևան երկրներին որպես տնտեսական և մարդասիրական օգնություն հավելյալ 400 մլն եվրո տրամադրելու մասին: Այսպիսով՝ Սիրիայի ԵՄ երկրների տրամադրած օգնության ընդհանուր ծավալը կհասնի 1.25 մլրդ դոլարի: Այս մասին ասվում է Եվրահանձնաժողովի նախագահ Ժոզե Մանուել Բարոզուի և ԵՄ դիվանագիտության ղեկավար Քեթրին Էշթոնի համատեղ հայտարարության մեջ: Այս մասին հայտնում է ITAR-TASS-ը:
«Միջազգային հանրությունը չի կարող առանց մասնակցության մնալ վերջին տասնամյակների առավել դրամատիկ մարդասիրական իրավիճակի առջև: Մեր գլխավոր առաջնահերթությունը բռնության և մարդու իրավունքների դադարեցմանն ուղղված քաղաքական կարգավորման խթանումն է»,- ընդգծել է Ժոզե Մանուել Բարոզուն:
Նրա խոսքով՝ ԵՄ-ն մոբիլիզացնում է իր ֆինանսական գործիքները մարդկային տառապանքները մեղմացնելու համար:
Բարոզուն եզրափակել է՝ մնացած երկրներին կոչ անելով կրկնապատկել Սիրիային օգնություն ցուցաբերելու ջանքերը:
