Իսպանիայի ազգային հավաքականի հարձակվող Ֆերնանդո Տորեսը մեկնաբանել է իր թիմի՝ Թաիթիի ընտրանու նկատմամբ տարած հաղթանակը:
«Ինձ դուր եկավ Թաիթիի հավաքականը: Ֆուտբոլիստները մինչև հանդիպման ավարտը ազնիվ խաղ էին ցուցադրում:
Նրանք պարզապես հաճույք էին ստանում խաղից: Ոչ ոք չէր փորձում հաջողության հասնել՝ կանոնները խախտելով: Նրանք փորձում էին ֆուտբոլ խաղալ, ինչը արժանի է հարգանքի:
Հանդիպումից հետո մենք լուսանկարվել ենք նրանց հետ: Թաիթիի հավաքականի ֆուտբոլիստները պարզապես երջանիկ էին:
Ինձ հաջողվեց 4 գոլ հեղինակել: Միշտ երազել եմ գոլ խփել «Մարականա»-ում, բայց այսօր ես կարողացա աչքի ընկնել 4 անգամ»,- ֆուտբոլիստին մեջբերում է Goal.com-ը:
Ինչպես արդեն տեղեկացրել ենք, Իսպանիա – Թաիթի հանդիպումն ավարտվել է 10:0 հաշվով:
