Հեռավոր արևելքում Գարիկ Սուկաչովի երկրպագուները բավական տխրել էին սիրելի երաժշտի համերգը չեղյալ հայտարարելու պատճառով:
Հայտնի ռոքերը հունիսի 19-ին այդպես էլ դուրս չի եկել Խաբարովսկի բեմ՝ հայտնում է Vesti.ru-ն:
Բացի այդ՝ չեղյալ են հայտարարվել Հարավային Սախալինում, Վլադիվոստոկում և Կամչատկայում հունիսի 20-23-ը ծրագրված համերգները:
Համերգների չեղյալ հայտարարումը կապված է երաժշտի առողջական վիճակի հետ:
Սուկաչովի համերգների կազմակերպիչը պնդում է, որ ամբողջ խնդիրը հոգնածությունն է՝ անվերջ թռիչքները հյուծել են 53-ամյա երաժշտին: Այս մասին «Կոմսոմոլսկայա պրավդա»ի հետ զրույցում ասել է Արտյոմ Եվսեենկոն:
Նրա խոսքով՝ կազմակերպիչներն ամեն ինչ արել են, որ համերգը կայանա, սակայն ստիպված են չեղյալ հայտարարել:
Մինչ այդ սոցցանցերում հայտնվել են լուսանկարներ, որտեղ երևում է, թե ինչպես է նա բարի կանգնակի մոտ գլուխը ձեռքերի մեջ առել:
Ինտերնետ-օգտատերերը ենթադրել էին, որ նրա ինքնազգացողության վատացումը կապված է ոչ թե թռիչքների, այլ ալկոհոլի հետ:
Որոշ ԶԼՄ-ներ էլ տարածել են, թե Սուկաչովը ոչ թե գնացել է Մոսկվա, այլ Խաբարովսկի հոգեբուժական կլինիկա:
Life News-ի տեղեկություններով՝ Սուկաչովը Մոսկվա է թռչել բրոնխյալ ասթման բուժելու համար:
