Բելգիայում «անչափահաս ներգաղթյալների» 70%-ը նվազեցրել է տարիքը՝ ապաստան ստանալու մասին իրենց խնդրագրերը քննելու արտոնյալ պայմաններ ստանալու համար։ Այս մասին հայտնում է թագավորության արդարադատության նախարարությունը՝ փոխանցում է TASS գործակալությունը։ Տարիքի հարցում ստող ներգաղթյալներին ի հայտ բերելու գործում օգնել է ոսկրերի տարիքի ռադիոլոգիական թեստը։
2015 թվականի հունվարից 2016 թվականի մարտը Բելգիայում անչափահասների հանդեպ անցկացվել է 2099 թեստ։Արդյունքում պարզվել է, որ ավելի քան1500 մարդու տարիքը գերազանցել է 18 տարեկանը, այսինքն՝ նրանք չափահաս են։ Տարիքի ստուգում անցած բոլոր ներգաղթյալների ավելի քան 90 տոկոսը եղել է տղամարդ։
Հաշվի առնելով, որ մեկ ռադիոլոգիական թեստի արժեքը մոտ 200 եվրո է, պետությունը նման ստուգումների վրա ընդհանուր առմամբ ծախսել է մոտ 400 հազար եվրո։
Ստուգումների արդյունքները նոր մտահոգություններ են առաջացրել, որ փաստաթուղթ չունեցող անօրինական ներգաղթյալները ստում են ոչ միայն տարիքի, այլևս երկրի հարցում, որտեղից ժամանել են Եվրոպա։
