Գործակալ Մորենո Ռոգին մեկնաբանել է «Միլան»-ի` թիմի 36-ամյա ավագ Մասիմո Ամբրոզինիի ծառայություններից հրաժարվելու որոշումը:
«Մասիմոն միշտ հրաժարվել է այլ ակումբներից ստացած առաջարկներից: Միշտ անթերի է եղել խաղադաշտում և նրա սահմաններից դուրս:«Միլան»-ը կարող էր ավելի լավ վարվել ֆուտբոլիստի հետ` 18 տարի համատեղ աշխատելուց հետո:
Մասիմոն սպասում էր այս որոշմանը, բայց, այնուամենայնիվ, տխրեց: Նա հաիանալի մարզավիճակում է և մենք կուսումնասիրենք նրա հրավերները:
Մասիմոյին ցանկանում են տեսնել Լոս-Անջելեսում և «Վեսթ Հեմ»-ում, իսկ «Ֆիորենտինա»-ի հետ չենք բանակցել: Տրանսֆերային առաջարկ ունենք նաև Ավստրալիայից»,- ասել է Ռոգին:
Ամբրոզինին «Միլան» է տեղափոխվել «Չեզենա»-ից` 1995 թվականին: Նա 552 հանդիպում է անցկացրել թիմի կազմում և 38 գոլ հեղինակել:
