«Միլան»-ի 20-ամյա հարձակվող Ստեֆան Էլ-Շարավին չի պատրաստվում «Մանչեսթեր Սիթի» տեղափոխվել: Այդ մասին է հայտնում Sky Sport Italia-ն:
Ֆուտբոլիստը ցանկանում է շարունակել կարիերան «Միլան»-ում և պատրաստ չէ ուսումնասիրել այլ ակումբների կողմից ստացած առաջարկները:
Հիշեցնենք` ավելի վաղ հայտնի էր դարձել, որ «քաղաքայիններ»-ը պատրաստ են 40 մլն եվրո վճարել Էլ-Շարավիի տրանսֆերի դիմաց, իսկ «Միլան»-ը պատրաստ էր ուսումնասիրել այդ առաջարկը:
Իտալիայի ավարտված առաջնությունում Էլ-Շարավին մասնակցել է 37 հանդիպումների և 16 գոլ հեղինակել: Ֆուտբոլիստի` «Միլան»-ի հետ պայմանագրի ժամկետն ուժի մեջ է մինչև 2018 թվականը:
