Կատալոնական «Բարսելոնա»-ի հարձակվող Նեյմարը հայտարարել է, որ մտադիր չէ հեռանալ ակումբից։ Այս մասին գրում է հեղինակավոր Goal.com պարբերականը։
«Ֆուտբոլում շատ կարևոր է, որ թիմակիցներդ ուժեղ խաղացողներ լինեն։ «Բարսելոնա»-ում խաղում եմ աշխարհի լավագույն ֆուտբոլիստների կողքին։ Այդ իսկ պատճառով այստեղ ինձ տանն եմ զգում։
Հիանալի հարաբերություններ ունեմ Մեսսիի ու Սուարեսի հետ, մշտապես կատակում ենք ինչպես մարզումներին, այնպես էլ դրանցից հետո»,- հայտարարել է Նեյմարը։
Բրազիլացի հարձակվողն ընթացիկ մրցաշրջանում բոլոր մրցաշարերում մասնակցել է 36 հանդիպման, խփել 25 գոլ։
