Լեհաստանի պաշտպանության նախարար Անտոնի Մացերևիչը 2010 թվականի ապրիլին Սմոլենսկի մոտ տեղի ունեցած ավիավթարը համարել է «ահաբեկչական գործողություն», որի հետևանքով զոհվել էր երկրի նախագահ Լեխ Կաչինսկին։ Այս մասին հայտնում է BBC-ն։
Նախարարը հայտարարել է, որ այդ ակցիան ուղղված էր այն բանին, որպեսզի զրկեր Լեհաստանին այնպիսի մարդկանցից, ովքեր երկիրը տարել են անկախության։
Նա այդ ավիավթարը դրել է այլ գործողությունների հետ նույն շարքում, որոնց մեղքը շատերի կողմից դրվում է Ռուսաստանի վրա, օրինակ՝ իրավիճակի սրացումն Ուկրաինայի արևելքում։ Նա, սակայն, անմիջականորեն չի հայտարարել, որ օդանավի անկման համար պատասխանատու է Մոսկվան։
Սմոլենսկի ավիավթարի հարցերով քննչական կոմիտեն հայտարարել էր, որ վթարի պատճառը եղել է օդաչուի սխալը, սակայն Լեհաստանի նոր կառավարությունը կրկին բացել է այդ գործը։
