Մոսկվայի ԲԿՄԱ-ն սեփական հարկի տակ ոչ-ոքի (0:0) խաղաց Կրասնոդարի «Կուբան»-ի հետ և ճանաչվեց Ռուսաստանի Պրեմիեր Լիգայի 2012/13թթ չեմպիոն: ԲԿՄԱ-ն 6 միավորով առաջ է անցել մոտակա հետապնդողից՝ Սանկտ-Պետերբուրգի «Զենիթ»-ից:
Մինչև առաջնության ավարտը «Զենիթ»-ը կարող է վաստակել առավելագույնը 6 միավոր, բայց չի կարող շրջանցել ԲԿՄԱ-ին, քանի որ մոսկովյան ակումբին զիջում է հաղթանակների թվով:
Այսպիսով՝ ԲԿՄԱ-ն Ռուսաստանի չեմպիոն դարձավ 4-րդ անգամ: Ավելի վաղ թիմը հաջողության էր հասել 2003թ., 2005թ. և 2006թ.:
Այս ցուցանիշով առայժմ անգերազանցելի է Մոսկվայի «Սպարտակ»-ը, որը Ռուսաստանի չեմպիոն է դարձել 9 անգամ:
