Երևանի «Արարատ»-ը երկրորդ և գլխավոր ստուգողական հանդիպումն է անցկացրել ԱՄՆ-ում՝ մրցելով հանրահայտ «Նյու Յորք Կոսմոս» թիմի հետ:
Ստուգողական խաղում «Նյու Յորք Կոսմոս»-ին հաջողվել է 2:0 հաշվով առավելության հասնել հայկական թիմի նկատմամբ:
Հատկանշական է, որ հանդիպման 11-րդ րոպեին «Արարատ»-ը մնացել է 10 ֆուտբոլիստով:
Հիշեցնենք, որ NASL-ի չեմպիոնի կազմում մինչև վերջերս հանդես էին գալիս իսպանացի լեգենդար հարձակվող Ռաուլն ու Իսպանիայի հավաքականի նախկին ֆուտբոլիստ Մարկոս Սենան:
Ստուգողական հանդիպում, «Նյու Յորք Կոսմոս» – «Արարատ»՝ 2:0
Գոլերը՝ 36´ Լակի Մկոսանա, 69´ Սեբաստյան Գենձատի:
«Արարատ»-ը հանդես էր գալիս հետևյալ կազմով՝ Գևորգ Պրազյան, Գորիկ Խաչատրյան, Նորայր Գրիգորյան, Սուլեյման Կոնե, Սերգեյ Ավագիմյան (Ռաֆֆի Կայա), Վահե Մարտիրոսյան, Բենիկ Հովհաննիսյան (Մոյսես Օրոզկո, 46), Մարին Գլավաշ, Բրայան դե լա Ֆուենտե, Ումարու Կաինա (Մհեր Սահակյան, 63), Քրիստիան Չանեյ:
Փետրվարի 23-ին «Արարատ»-ն ԱՄՆ-ում ընթացող հավաքի վերջին ստուգողական խաղում կմրցի հարավկորեական «Սոննամ» թիմի հետ:
«Արարատ» ՖԱ մամուլի ծառայություն
