Իրանի դեմ սահմանված միջազգային պատժամիջոցներն արդյունավետորեն թուլացնում են Իսլամական Հանրապետության տնտեսությունը և ամսական զրկում նրան 3-5 մլրդ դոլարից: Այս մասին ասվում է ԱՄՆ պետքարտուղարի տեղակալ Վենդի Շերմանի հայտարարության մեջ՝ փոխանցում է Interfax-ը:
Դրանում ասվում է, որ Իրանն օրական արտահանում է 1 մլն բարել նավթ քիչ, քան 2011 թվականին, ինչը կազմում է ամսական 3-5 մլրդ դոլար: Բացի այդ, իրանական նավթ ներկրող 20 երկրները զգալիորեն կրճատել են գնման ծավալները կամ ընդհանրապես հրաժարվել են ներկրումից;
Շերմանը կրկին ընդգծել է, որ ԱՄՆ արտաքին քաղաքականության առաջնահերթություններից մեկը Թեհրանի կողմից միջուկային զենքի մշակումը կանխելն է: Նրա խոսքով ՝ իրենք մտադիր են դրան հասնել դիվանագիտական միջոցներով:
Նա Իրանի իշխանություններին կոչ է արել ԱԷՄԳ-ի տեսուչներին միջուկային ծրագրի մասին լիարժեք տեղեկատվություն տրամադրել:
