Իսպանական Marca պարբերականը հարցում է անցկացրել երկրպագուների շրջանում պարզելու համար, թե արդյոք նրանք համաձայն են, որպեսզի Մադրիդի «Ռեալ»-ը 190 մլն եվրո վճարի «Բարսելոնա»-ի հարձակվող Նեյմարի տրանսֆերը ձեռք բերելու համար:
Հարցման արդյունքում պարզվել է, որ երկրպագուների կեսից ավելին չեն ցանկանում, որպեսզի «Ռեալ»-ն այդքան գումար վճարի Նեյմարի տրանսֆերի դիմաց: Հարցվողների 52%-ը նշված գումարը շատ բարձր են համարել:
Հիշեցնենք, որ ավելի վաղ տարածված տեղեկությունների համաձայն՝ «արքայական ակումբ»-ի նախագահ Ֆլորենտինո Պերեսը մտադիր է 190 մլն եվրո վճարել Նեյմարի տրանսֆերի դիմաց, քանի որ անհրաժեշտ է աղմկոտ ձեռքբերում ունենալ՝ թիմի զայրացած երկրպագուներին հանգստացնելու համար:
